Аусмҩаԥгатә рхы аладырхәит Ахада Бадра Гәынба, Ахада ихаҭыԥуаҩ Беслан Бигәаа, аԥыза-министр Владимир Делба, Апарламент аиҳабы Лаша Ашәба, Аиҳабыра рхаҭарнакцәа, Аԥсны иҟоу Урыстәыла ацҳаражәҳәаҩ Виачеслав Гладков, Башкортостан Ареспублика Аиҳабыра рԥыза-министр Андреи Назаров, Аахыҵ-Уаԥстәыла адәныҟатәи аусқәа рминистр Ахра Џьиоев, Урыстәылатәи Афедерациеи Аԥсны Аҳәынҭқарреи рҟны иҟоу Никарагәуа Ареспублика ацҳаражәҳәаҩ Альба Асусен Торрес Мехиа, Урыстәылатәи Афедерациеи Аԥсны Аҳәынҭқарреи рҟны иҟоу Боливариантәи Ареспублика ацҳаражәҳәаҩ Хесус Рафаель Саласар Веласкес, егьырҭ асасцәа, аибашьра аветеранцәа, хатәгәаԥхарала иеибашьуаз, ауаажәларра рхаҭарнакцәа.
Аԥсны Аҳәынҭқарра ахьыԥшымра азхаҵара аус аҟны илагала дууп Аԥсны Аҳәынҭқарра Аҩбатәи Ахада Сергеи Багаԥшь. Иара атәыла Хадара аназиуаз аамҭазы, 2008 ш. нанҳәамза 26 рзы Аԥсны Аҳәынҭқарра ахьыԥшымра азханаҵеит Урыстәылатәи Афедерациа.