Аусурақәа ирылагӡаны ахыбра шьаҭанкыла иԥсахуп, ацәыргақәҵатә ҭыԥ иахәҭоу амаҭәахәқәа рыла еиқәыршәоуп, ҳаамҭа иақәшәо аудиовизуалтә студиа ҟаҵоуп, аконференц-залқәа, иара убас ауаажәларратәи акультуратәи усмҩаԥгатәқәа рзы афункционалтә ҭыԥқәа еиҿкаауп. Ацентр иахәҭоу амаҭәахәқәа зегь рыла ишьақәыргылоуп, ауснагӡатәқәа реиҿкааразы зыҩаӡара ҳараку аҭагылазаашьа аԥҵоуп. 

Аиҭашьақәыргыларатә усқәа ирылагаанӡа ахыбра хеихагылакны иҟан. Аиҭарҿыцра иабзоураны ахыбра иацҵан. Аргылаҩцәа еиҭашьақәдыргылеит 7,3 нызқь ԥшьыркца метра, иара убас 0, 4 га. адгьылҵакыра.  

Ацентр аартра амш аҽны асасцәа ацәыргақәҵа иаҭааит, уи азкын арежиссиор Станислав Говорухин 90 ш. ихыҵра, ацентр аудиовизуалтә студиа агәаҭареи. Астудиақәа рҟны имҩаԥысуан урыстәылатәи аԥсуа артистцәеи злахәыз арҿиаратә сессиақә: Родион Газманов, Аслан Чачаа, агәыԥ "Атсатә ԥсҭҳәа", Аԥснытәи ахәыҷтәы гәыԥ, ашәаҳәаҩ Blizkey , уҳәа убас егьыртӷьы. 

Бадра Гәынбеи Сергеи Кириенкои ахыбра еиҭашьақәзыргылаз аҟазацәеи аргылаҩцәеи иҭабуп ҳәа рарҳәеит. 

 Урыстәылатәи ауаажәларратә центр азеиԥш проектқәа реицынагӡаразы хадара злоу ҭыԥны иҟалоит. Уахь иаҵанакуеит акультура, аҵарадырра, ауаажәларратә ԥшьгарақәа ирызку апроектқәа, иара убас Урыстәылеи Аԥсни рыбжьара аусеицзура иасимволхоит. Ари ацентр аартуп зегьы рзы.